| W.W. 的个人资料WW @ 30s照片日志列表 |  工具  帮助 |
|
2007/3/29 估唔到我地咁快就…… 真的非常喜歡拿姐這句說話，念念不忘，這次借用來玩玩填充遊戲。
2007/3/28 復活前的苦路 真要命。
昨天才cream cream自喜地跟同事說最近自己在公司過得很平安，豈料今天就賴嘢。
上司之前給我一份稿，我已經問清楚那急不急，聽到她說「不急」，我才接下。豈料今天就來催，還說那份稿挺急的，更不承認自己說過不急。
雖然同事說做小的被做大的屈是等閒事，不過還是不甘心得要死。儘管如此還是得死死地氣去做嗎？最糟糕的是這個人有舖癮，一開始鬧了你就停不了，往往鬧足一個月，看來我是做硬「4月之星」了。
尚幸差不多全公司甚至全層樓都跟我同一個鼻孔出氣，當然那沒什麼實際作用，但最少要呻的時候還是不難找到同聲同氣的人。
之前有舊同事說「越轉工環境越差」，那時候還不信，現在是信足了。不過即使如此也還是要轉呀，轉到最後如果當得成闊太，才算是修成正果。
說起來，每次跟前面的同事（他是「3月之星」XD）呻工作問題，他總是一句叫我嫁人就算。嫁了不用工作這支歌還在唱嗎？喂，你是個不知人間疾苦的人啊。 沒有blog嘢的日子 非常留意blog友一舉一動的我，要學3ddb講下d大膽話題先。
最近公私兩忙，所以實在沒空寫blog。今天上班時發現地鐵已不見人潮積聚，想來有好多人已提前享受假期了吧？雖然「請三日放十日」的確非常吸引，但在年假無多的情況下也只好忍痛放棄。暫時放假前的工作目標是：平安過渡本星期，待老闆們下星期放假時，我就好好收拾一下自己那亂到難以形容的桌面。
至於復活節假期好像還沒什麼著落。雖然說可以跟菜生呆在一起，可是實在不太想再在人多車多的街上亂逛了。累得很呀。而且仍然有freelance的工作趕著要完成。想找一個地方可以舒舒服服安安靜靜兩個人一起發呆、打電腦，而且最好不用花什麼錢。請大家隨便建議。
另外永遠的主席不知道是不是又想搞活動，不知道會不會讓我去，又不知道會不會看到kiki等謎樣的blog友。復活節的一切都仍是個謎。 2007/3/20 菜生回來後 係呀，返左喇。
星期天，菜生班機原定4:55pm抵港，我四點匆匆忙忙出門，還要到seven替八達通增值，結果錯過了一班巴士，等了差不多二十分鐘。趕到機場的時候，已經五點了。
雖然明知道下機後還要過關click lick kuak lark的搞一大輪，但還是飛奔到接機處，恐防錯過了什麼。
到了接機處，看看顯示屏，還是顯示著「預計16:55」。雖然已經17:10了。
再等了一會，降落時間一下子就變成17:57。於是我便坐到一旁，玩起nds的ff3（又名「choi、cream、wahead和la yeah的歷險」）來。
打機的時候聽到坐在對面幾個疑似導遊的女人在討論「應不應該交亂拋垃圾罰款」的問題。原來其中一個女人在街上亂丟了煙頭，被食環署的人抓到了，發了告票要她交一千五百元的罰款。那女人最後決定不交罰款，上庭的時候再向法官求情。
菜生班機最後在18:10降落，而他自己則在18:40出現在接機等候處。
同一晚我們跟好心收留菜生的快必和快必嫂晚飯。我發覺菜生原來有一種會令人瘋狂的特質，快必如是，朗頭如是，平時沒什麼，跟菜生一起的時候就都像瘋子一樣。
飯菜非常漂亮，呈現出完美無瑕的光澤，也很好吃。飯後菜生和快必為了爭比錢而大打出手，最後瘦菜當然戰勝不了大隻的快必。
第二天我帶菜生跟舊同事牛鈴和謝少吃飯。吃意粉。
菜生跟謝少一見如故，二人不停在交流戀愛經驗。而我跟牛鈴則在另一頭討論工作問題。
飯後舊同事對菜生的評語是：純（定「馴」？）良，以及會被我食住。你估我沉默的羔羊咩。唔食人架喎我。
之後跟菜生行尖東海傍，代替喜歡唔知IFC定KFC的cream叔欣賞維港夜景。看到星光大道上cream叔的星星時更樂極忘形，圍著拍照。另外也拍了倪匡細佬的手掌印。獨獨不見菜生。似乎他對樂壇的貢獻比較大。始終像《美女廚神》一類電影不能登大雅之堂。
本來他只打算送我到尖東火車站，但我欺負他七年沒回香港，不認得路，經過了尖東火車站入口兩次也沒作聲XDDD 最後他只好逼於無奈送我到紅磡火車站XDDD
劇情峰迴路轉，正所謂天有眼，菜生送我到紅磡火車站離開後，我就見到我媽！原來她一直跟在我的身後，而且還是跟阿姨和表弟在一起=_=b 有種地下情曝光的感覺。
第三天，我返工做野做到傻，菜生成日風流快活飲飲食食，吃了蛋河雲吞麵薑蔥牛肉米粉黑椒牛扒飯羅宋湯餐包熱檸水免加一，全日承惠$87，真係香港幾好都有。
下班後我買了個雙層芝士漢堡餐加脆香雞翼加菠蘿新地打算回家慢慢嘆，豈料原來沒帶門匙 T_T 打電話向正跟快必撐枱腳的菜生訴苦，他說「早就叫你出黎一齊食飯架啦」（警察投訴科丫唔該）。於是我坐在大廈平台涼亭裏寂寞地吃著新地和薯條。吃著吃著發現遠方的保安員對我虎視眈眈，正當他想過來盤問我之際，我的手機響了。我媽來打救我。
趁著我媽沒來到平台，我匆匆又去買了十蚊辣魚蛋和七蚊椒鹽燒賣。
飽到傻。 李怡：一 個 老 農 的 快 樂摘自今天蘋果日報副刊李怡專欄的一篇文章。看著看著其實覺得很難過。安逸與真愛，好像只能二擇其一。
快 樂 是 什 麼 ？ 溫 總 唸 了 艾 青 的 詩 。 不 過 新 近 看 到 台 灣 一 個 老 農 的 故 事 ， 更 為 具 體 。 劉 意 煌 現 年 七 十 歲 ， 他 和 老 婆 都 是 種 田 的 ， 很 年 輕 就 結 婚 。 二 十 五 年 前 ， 生 活 稍 好 些 ， 老 婆 突 然 中 風 ， 昏 迷 了 四 十 三 天 ， 竟 然 醒 過 來 。 劉 意 煌 每 天 把 老 婆 綁 在 身 後 ， 騎 摩 托 車 去 醫 院 復 健 ， 八 年 風 雨 無 阻 。 老 婆 慢 慢 能 說 話 了 ， 她 說 ： 「 不 知 什 麼 時 候 會 死 ， 好 想 出 國 去 看 看 。 」 老 劉 想 ， 她 陪 我 吃 這 麼 多 苦 ， 再 困 難 也 要 圓 她 的 夢 。 於 是 他 湊 錢 帶 她 去 澳 洲 、 大 陸 、 美 國 。 一 次 在 長 江 三 峽 不 能 推 輪 椅 ， 老 劉 拿 擔 挑 一 邊 挑 她 ， 一 邊 挑 行 李 。 一 次 去 美 國 ， 有 個 華 人 開 的 旅 館 叫 紅 樓 夢 ， 美 得 像 天 堂 。 老 婆 說 ： 「 這 生 都 不 敢 想 能 來 這 裏 玩 。 」 老 劉 看 她 這 麼 高 興 ， 回 到 台 灣 就 開 始 找 地 ， 在 鄉 間 蓋 了 一 間 「 民 宿 」 ─ ─ 近 幾 年 台 灣 新 興 的 有 鄉 間 風 味 的 小 旅 館 ， 想 讓 老 婆 「 繼 續 快 樂 」 。 房 間 的 名 字 也 沿 襲 美 國 的 旅 館 ， 分 別 叫 「 林 黛 玉 」 、 「 賈 寶 玉 」 … … 。 老 劉 說 ： 「 鄉 親 們 說 我 為 老 婆 做 這 麼 多 ， 很 感 人 。 唉 ， 他 們 不 懂 ， 其 實 做 這 些 ， 我 比 她 還 快 樂 。 」 這 是 最 普 通 卻 也 最 叫 人 羨 慕 的 一 句 話 。 一 邊 挑 著 老 婆 ， 一 邊 挑 行 李 ， 是 「 很 辛 苦 ， 但 她 每 天 笑 瞇 瞇 」 ， 卻 讓 深 愛 她 的 老 劉 比 她 還 快 樂 。 這 是 最 新 一 期 台 灣 《 壹 週 刊 》 的 一 篇 短 文 ， 所 記 下 的 真 人 真 事 。 雜 誌 還 刊 了 一 張 老 劉 騎 摩 托 車 而 背 景 是 他 蓋 的 民 宿 「 紅 樓 夢 」 的 照 片 。 看 到 照 片 中 老 劉 的 土 裏 土 氣 的 笑 臉 ， 你 不 能 不 信 服 他 是 從 心 裏 笑 出 來 的 。 你 會 想 到 ， 快 樂 不 是 什 麼 鮮 花 、 流 水 ， 也 不 是 什 麼 華 屋 美 食 鑽 戒 ， 而 是 這 種 樸 實 的 感 情 。 老 劉 說 鄉 親 們 「 不 懂 」 ， 其 實 城 裏 人 ， 許 多 有 錢 人 ， 或 居 高 位 者 也 不 懂 。 2007/3/18 Joe Lau 因為菜頭強勢回歸，強勢得滯，無處容身，急欲joe lau，令「你心目中的理想家居」成為一時的話題。
雖然(X+1)^3這條算式我不懂得算，但對於「一闊三大」這點我也很同意。道理就等同我對雙魚星號沒什麼興趣一樣，天大地大，在家裏就是吃喝拉睡wii，用不著這麼大的地方。而且以我的性格，地方越大，雜物越多，空間越少，意外越多，簡直是向死亡挑戰。
一梯一伙當然好，不然隔壁住了一個菜頭，日日開concert，或者住了一個華頭，把自家吽出來的曱甴全趕到隔壁去，都不是好事。但一梯一伙在香港應該是可遇不可求有錢使得鬼推磨的事。而一梯幾伙甚至幾十伙我就住膩了，讓我選的話我倒寧願住村屋，大前提是沒有蚊和曱甴。如果不行的話其實公屋也很好，尤其是井字那一種，挺通爽的。
房間的話一人一個就好了。書房客房衫房那些就算了吧。朗頭喜歡的酒店房格局我也很喜歡。總之房間內要一應俱全，書桌電腦電視收音機錄影機大床是最基本的，那麼生氣的時候就可以安心躲在房間裏打牆，或者狂追prison break，也不用不文明地把人趕到客廳去睡沙發（而且還不肯定有沒有沙發，可能只得一白一橙兩張膠凳）。
廚房我沒意見，不過我想學板妹焗餅，尤其會焗一些brownies做懲罰道具之類，所以需要一個小焗爐。洗碗碟機如果有的話就最好，沒有的話也只是洗幾隻碗而已。咖啡機是不用的了，我一點也不好。
浴室我想有浴缸喎，咁大個女都未試過。正如3DDB說的，對女人來說泡澡算是夢想之類的吧。而且那不是「……」的道具之一嗎？不過那也是奢侈品了，對廁所我的基本要求是沒有曱甴，因為聽得太多曱甴從水渠口湧出的恐怖故事了！
客廳呢，電視和wii是必備的！如果有一張沙發讓人懶躺也很好。其他的就沒關係了。
大概就是這樣吧。 熱情募集：社會上不能接受的粗言讓我們一起響應明光社的號召！投票選出大家最不能接受的粗言！！！
我個人最不能接受的粗言（排名分先後）：
我一聽到這些詞語就會有自殺傾向！我強烈建議廣管局把以上詞語納入「社會上不能接受的粗言清單」裏！以後禁止全宇宙使用！
足版《秋天的童話》 無綫周一凌晨播 (明報) 03月 06日 星期二 05:34AM
【明報專訊】廣管局 早前要求無綫若再播放《秋天的童話》，須刪去粗言俗語，引起電影及創作界的強烈不滿，無綫昨日決定採取行動反擊，將於周日（11日）深夜（即周一凌晨）播放不經 刪剪的足版《秋天的童話》（下稱《秋天》），當中包含「FXXK」、「X鏟」等粗口，其他粗俗對白如「隊佢」、「躝癱」和「仆街」等亦會出街。 明光社指「意氣之爭」 明光社總幹事蔡志森指出，無綫的做法有點「意氣之爭」，建議執行部門如影視處，應盡快就社會上不能接受的粗言等，諮詢公眾及列出清單，確保用語標準合乎一般市民接納程度，令廣管局可作合適裁決。 《秋天》導演張婉婷表示，無綫再播足版《秋天》的做法，對創作人很是鼓舞，是尊重電影的原創精神，她得悉此消息感開心和興奮。 無綫外事部助理總監曾醒明表示，將於周日的深夜播出不作刪剪、「原汁原味」的足版《秋天》。他表示，此片屬香港經典電影，當中粗口如「FxxK」、「X鏟」等對白，只用作對主角「船頭尺」的描繪，並非刻意賣弄粗俗用語。 會播家長警告字眼 曾醒明說，購入《秋天》的版權後仍有一次播放權未使用，版權將於今年中到期。對於播放無刪剪版《秋天》，曾醒明表示並非對廣管局作「反擊」，只是聽取各界如電視業及廣管局意見後的決定。他表示，今次並非在黃金時段和合家歡時間播放，而電視播放前亦會有家長警告字眼，相信問題不大。 廣管局1月中裁決，指無綫去年10月在星期日下午重播的《秋天的童話》，含有粗話故作出勸喻，其後要求重播該劇時，其他粗俗對白如「隊佢」、「躝癱」及「仆街」等字眼要刪去，觸發電影和創作界關注，認為扼殺創作空間。
2007/3/13 飛機上的空白 繼續不厭「人」煩地美國之旅XD
菜生說想知道我在飛機上怎樣渡過，因此稍作補充。
其實也沒什麼好說的。去程的時候，本來帶了一些工作上去做，但豈料坐下來開了燈，卻發現燈光的方向剛好令我的手影遮住了紙上的字，所以沒辦法寫東西。
於是就只有乖乖的坐著看電影，看了The Prestige（《死亡魔法》），結局很出人意表。另外也看了Malcom in the middle，很好笑。
另外就是等派餐，一餐接一餐，其實飛機餐也沒那麼難吃。而且還留下了Oreo和朱古力條給菜生當手信。
值得一提的是我坐在窗旁近走廊的座位，而我旁邊兩個座位上都沒人坐！雖然拿姐言之鑿鑿地聲稱可以把沒人坐的坐位的椅臂拉上去，但我的確是試過很多次也拉不動T_T 我也想好好躺著睡一覺啊～～～～
回程的時候，首先是我座位上的貯物格被人侵佔了
 有人把整個大大的行李箱放上去，塞滿了那一格。於是我只好把行李放到較前的那一格。 這次是坐飛機中間那一排，也是近走廊的。跟我坐在同一行的還有一個洋人，他一上來看到我跟他中間的那個座位沒人坐，就很高興地嘰哩咕嚕說了一大堆，我的反應就是接連十幾聲的：「yeahyeahyeahyeahyeahyeahyeahyeah……」嚇得他整程也不敢再跟我說話
 回程跟去程一樣，燈光的方向讓我不能寫東西。這次旁邊座位的椅臂可以拉上去了，可是那座位被洋人放了他的東西。
回程看了兩齣電影：港產片《師奶唔易做》和羅賓威廉斯的Man of the Year。
回程的時候好像睡得比較多，連小食都錯過了
 拿不到三角朱古力，也沒敢去跟空姐要。睡覺的時候總會把口張得老大，不知道有沒有猛流口水。 但回程的機艙實在太乾了，回到香港以後腳全都枯萎了！還長了凍瘡
 大概就是這樣了。接下來應該會推出不同主題的美國主題純影集XDDD 敬請期待。 2007/3/11 07年3月18日大事（低調展望）
還我選票！全港波士爭普選大遊行－－下午3時正，維多利亞公園嘖水池旁 (近銅鑼灣入口)，遊行至政府總部 我們的家園．人民的規劃－－318遊行(皇后終站) 2007年全港公開青少年乒乓球錦標賽－－歌和老街公園乒乓球中心 門球發展20周年慶祝晚宴 香港小學數學挑戰賽2007 通利樂繽紛音樂嘉年華－－15:30-18:00，尖沙咀香港文化中心露天廣場 C 區 ( 近香港藝術館 )免費入場！ 辛小玲活力中樂之旅－－下午3:30- 5:30，中華基督教會基慈小學禮堂 「恩召與恩賜」 獻身研討日－－下午3:00-6:00，中國浸信會神學院 農夫音樂大哼音樂會－－灣仔藝術中心壽臣劇院，下午3 時30 分、晚上 8 時15 分 新天地樂集「魅力神州」巡迴音樂會－－下午6時，九龍城寨街坊福利事業延續促進會社區會堂 蘇民峰學生會丁亥年春茗晚會 菜瀾回歸香港－－傍晚，香港國際機場 2007/3/7 每日連載：菜華美國遊記點評（七）最後一篇喇！跟住又要自己寫番，想懶ｄ都唔得。WW INSIDE STUFF 7黎狗來臨前是最美﹐依依不捨地擁著你﹐互望著心愛的人﹐這句再見怎說起。要走的始終都要走﹐黎到禮拜六喇﹐前一晚大嫂重問我使唔使好早起身去機場﹐好擔心咁款（比機會你叫我唔好走）﹐因為拒最怕早起。我就加以安慰話唔使﹐重可以過埋D FILES先走添（ｍｐ３）﹐食埋個蛋糕﹐HOAGIE（結冰hoagie）﹐大嫂完全無理過時間﹐因為拒根本唔想走（對，返到去又要返工是極慘的事）﹐無呢個意識﹐無呢個概念﹐又知我個人有分寸知道幾時應該出車﹐熟我既人都知我有分寸﹐當然包埋我老豆阿媽阿板阿CREAM喇﹐拿頭姐姐就未必﹐以為我重係細路﹐青春期BLOOD氣方剛(樣衰版鄭少秋)個隻哈哈。（拿姐曖昧地話：「估唔到你地咁快就……」都係你太血氣King Kong累事） 好喇﹐真係好唔捨得﹐整理好行裝之後﹐將所有野盡量隊落喼（展現了菜生執野嘅才華，比我執要兩個喼先塞得落嘅野，佢一個喼就搞掂）﹐之後就落95 NORTH去NEWARK喇。天色依然常藍﹐天空的小飛鳥﹐小飛鳥﹐情況有如走左四個來自艱難大既男子組合出黎唱野﹐唔係WIGGLES呀（inside joke wor）。 去到機場以為大把在手啦﹐早兩個鐘重想點唧﹐一上到去國際線櫃位﹐嘩﹐大鑊喇﹐咁多人既﹐有位女職員一路解緊D就黎夠鐘既行班添﹐哦﹐斯里蘭卡詐下﹐無事﹐再講多陣喇﹐框剛喎﹐即刻拉住華頭行上去﹐先有個非常港式既一家人被安排處理先﹐之後到我地架喇﹐點知好耐都未輪到﹐唔得喇﹐女職員叫我地去頭等做呀。 好趕呀。。。因為著住NIKE好大舊AIR﹐所以跑得好快﹐第一個行到去頭等﹐點知比人當打尖噤濟﹐叫華頭頂住﹐我船頭番去班馬叫個女職員同個邊講（展現了菜生戾氣的一面）﹐女職員非常HELPFUL幫我CALL齊D SUPERVISOR﹐我跑番過去個時﹐老婆已經搞惦D行李﹐同拒落番閘口﹐老婆驚裡面有阻濟（都真係有少少，因為唔知要嚮登機閘口前面預先比ｄ航空公司職員檢查多次護照，同埋要去部機度打埋手指模）﹐所以真係要入閘喇﹐唯有忍著淚說GOODBYE啦﹐過金屬機機﹐臨過前重有一對母女叫華頭幫手睇住舅父商台金剛添（後尾他不知恩圖報，仲笑鬼我嚮美國遊得咁少地方添，因為佢自己又去左華盛頓又盛）﹐唔知係咪因為太緊張既關係啦﹐兩個都過左幾次﹐囉完一個餿璣又一個（要放埋對鞋）﹐係咁擺晒D野落去（差ｄ唔記得拎番隻黑戒指）﹐擾攘左一陣先入到去﹐我臨走重打手勢指大嫂過去個邊閘口添（因為我差ｄ行錯左，好在見到菜生手勢）﹐拜拜喇老婆﹐後會有期﹐赤臘角見啦（ｏｋ，蛋你）。 2007/3/6 每日連載：菜華美國遊記點評（六）大家休息左幾日，係咪好掛住ｄ曬命post呢？仲有半日咋，仲有半日菜頭side嘅美國遊就完架喇，跟住就到華頭side，然後就係板妹side、cream頭side、uncle side同auntie side……寫足365日，問你怕未。WW INSIDE STUFF 6
偷懶左幾日﹐編輯又追我囉稿喇﹐得得得﹐無問題﹐因為我愛拒。黎到禮拜五喇﹐係架車到聽聽下竟然彈埋我首野出黎﹐老婆問我咩名﹐依依不捨囉﹐真係唔老黎﹐知道重有一日。一如前幾日﹐比各團友訓到夠先出車﹐今日都係自由活動﹐其實係手信之日﹐唔係點同人交代﹐雖然唔係幾使﹐但係都要買D既。先去SAM‘S CLUB買個IPOD先啦（唔知邊個咁好命得到ipod做手信）﹐平出面十蚊到啦﹐唔算好多既﹐但係萍果D野都公價既﹐OK架喇﹐呢個自用架唔係手信。正想比錢﹐原來我張會員證過左期添﹐無得買﹐之後行下郁以馬啦﹐行下遮﹐無野買既。買D女人手信啦（唔係喎，男仔都係送呢ｄ。順便宣傳下先，想要手信就搵我啦下）﹐BED BATH AND BODY WORK﹐個人推介生果味既洗手液﹐撈唇（hand gel，用黎乾洗手）﹐茶手糕（hand cream）﹐開過比老婆聞過都覺得好香好好味。（真係好似真生果味） 肚餓呢﹐食飯把啦﹐好多野都想試﹐越南HOAGIE﹐否﹐都未輪到﹐去CHERRY HILL DINER食啦﹐因為大嫂想食蛋丫嗎（好多日冇食喇，去美國點能夠唔食美國雞蛋呢你話）﹐拒叫左個煙肉﹐蘑菰﹐洋蔥庵列（配以大量薯仔）﹐我就叫左燒牛仔肉配肉汁﹐岩我補充體力呀。大嫂眼見我個周打蜆湯好味﹐叫多個拒試下（不過菜生果個好味ｄ囉，ｄ人見到菜瀾係會比面ｄ整好ｄ嘅）﹐好杰身﹐飲完已經好飽﹐我地重大PAT大PAT牛油整落D飽呀多士度食添﹐和味（正爆）﹐最尾送多個甜品﹐我要左朱古力雪糕比我姐姐﹐食到姐姐開心到呢。我重要包底添呀。（未見過送嘅雪糕有咁大杯，香港果ｄ隨餐附送嘅大概係佢嘅十分之一左右） 好啦﹐之前買唔到IPOD唯有番COSTCO買啦﹐YEAH﹐搞惦﹐買多包HERSHEY朱古力添﹐美國特產﹐個人覺得好食過瑞士阿連﹐無咁甜（得到極大好評，菜生可唔可以幫我帶兩三包返香港？）。買完做咩呀﹐打波囉﹐碌下齡先﹐連玩三局﹐大嫂係美國做出左拒個人最好成績﹐番到去一定再打﹐但係可能打Wii。（正呀，wii呢ｄ先係遊戲機黎架嘛） 小休片刻之後接到媽媽電話係時候出車去銀泉喇（慧珊姐之店）﹐重快過松仔到達﹐先行買個蛋糕先（靚）﹐重有特價麵飽喎﹐買埋啦﹐去到銀泉拒地已經係到﹐一家人食左一餐好開心﹐感覺輕鬆既飯（多謝你地請）﹐其實呢餐飯已經係遲左一星期架喇﹐如果唔係DELAY既話。飯後同大嫂車遊費城名勝﹐去到ART MUSEUM落車影相﹐凍到飛起﹐拿拿聲番酒店。（凍凍） 番到去竟然電話響起（o岩o岩諗住沖涼）﹐原來係警察投訴科MISS LEE﹐拒問可唔可以黎﹐梗係得啦（梗係得啦）﹐四人圍埋睇電視﹐影到大嫂搭住我﹐一幅趣怪既相片。（一幅粗豪的模樣） 2007/3/3 每日連載：菜華美國遊記點評（五）寫多一日半架咋，大家頂埋落去呀下。WW INSIDE STUFF 5THURSDAY﹐好喇﹐幾日外景拍晒喇﹐拍廠景啦喎﹐連續幾日都好好天﹐好暖﹐岩鬼晒我呢個怕凍呢﹐（得幾度你都話暖，咁你都唔係好怕凍）到左星期四終於落番D雨水喇。今日係自由活動既﹐起身都差唔多中午喇﹐就係CREAM叔摸門釘個日囉﹐我衰﹐對唔住。（對唔住）搞到你自己一個食早餐﹐（搞到我冇得玩Wii囉，念念不忘到爆）不過你唔好以為神不知鬼不覺呀﹐我後來發現印度成日望住個細路電視架﹐你食完行開走個時都望一望你。（睇明星啫） 一上車就車左大嫂去一間名為ITALIAN VILLAGE既小商店﹐呢間野係我經常幫親既﹐帶拒黎既目的就係要試下費城特產CHEESE STEAK﹐即係芝士牛肉飽喇﹐我估到拿頭會問﹐喂係紐澤西食費城野﹐搞錯呀﹐唔係SOUTH PHILLY食咩﹐我同你講﹐我試過晒架喇﹐你問阿CREAM叔﹐我唔怕得罪SOUTH PHILLY個D又乾又唔好食既CHEESE STEAK﹐（ｈａｈａｈａｈａｈａ，唔怕得罪佢地）所以我揀左呢間我食開唔錯既比大嫂食﹐重叫多舊ITALIAN HOAGIE添﹐大嫂都食得津津有味架。（好食呀，愛芝士）其實大嫂幾岩係美國住﹐食芝士﹐飲奶﹐食肉。我呢個老饗反而鐘意雲吞麵﹐好唔好調轉住呢下。（都好，不過我唔識幫人執屋） 無乜時間喇﹐外賣啦﹐番屋企慢慢嘆﹐話左會參觀我屋企家嗎﹐一路食住野一路睇詹SIR﹐（隻隻碟睇得一半）食完野就愛得太遲（唔識唱呀呢隻）﹐十分菜﹐好心好報﹐滾一番﹐棉棉既情歌（《滾》都算情歌……首首都係唔老黎野）怎不教人陶醉呢。不過講真時間真係好蒼拙﹐下次啦﹐大把機會（返到香港唱到你嘔啦）。又跳到下個節目啦喎﹐係咩呀﹐打野囉﹐打咩呀﹐打機囉﹐整左個TIME CRISIS 3比大嫂玩槍槍﹐不過玩兩玩大嫂開始有D倦意﹐轉尖尖BALL YOU GET啦﹐當堂成個生猛晒﹐出慢波﹐向前噤重拳﹐撻﹐TIGER ROBOT COP﹐個日我一個尖尖都出唔到﹐但係我用E HONDA出到用個羅友去坐落人度﹐之後扣好多能源﹐同埋用阿KEN﹐出超級升龍﹐打到大嫂飛起﹐（至憎人出波，隔咁遠打人，懦夫所為，同埋我又唔多識出。不過超級升龍ｏｋ，係實力嘅表現）一D係現實我一定唔會做既野。快樂不知時日過﹐好快媽媽就番黎喇﹐松仔跟住﹐一家人開開心心傾下計﹐之後我就帶大嫂去最後購物﹐送禮自用﹐必屬佳品。 行到天黑了﹐時間相當尷尬﹐夜唔夜早唔早又唔係太肚餓﹐揀左WAWA﹐叫左兩碗雞麵湯﹐大嫂店內兩頭踱（想話睇下有冇蛋類食物咁，真係見到有ｄ烚蛋賣，但係算啦，山長水遠黎食烚蛋。又想買dounut，但一包鬼死咁多，放出黎散賣果ｄ又唔多新鮮，算啦）﹐我又見到餐牌上面有BOWL﹐唔知乜鬼﹐問下啦﹐燒牛肉飯喎﹐岩食喎﹐兩個啦﹐唔該。回酒店慢慢嘆﹐飯係相當唔惦既﹐但係牛肉好惦喎又有汁。（都幾好食） 2007/3/2 每日連載：菜華美國遊記點評（四）星期三都幾期待架，因為有百老匯睇，但點知太期待所以訓得唔好，搞到邊睇邊訓。冇貨賣喇喎菜生，快ｄ寫啦，唔係我叫Cream叔客串。WW INSIDE STUFF 4好快黎到WEDNESDAY﹐行程又過左大半喇﹐想講番係HOWARD JOHNSON既早餐﹐係好正既﹐你話夠唔夠泰國正呢﹐梗係唔夠啦﹐（都唔夠日本正，尤其冇炒蛋係一大敗筆）我同美國D MOTEL比遮﹐所謂既CONTINENTAL BREAKFAST﹐其實係好鬼簡單﹐咖啡﹐BAGEL既美式早餐﹐我見過某D MOTEL渣到不堪添呀（你真係逐間試過呀？同Cream叔）﹐HOWARD JOHNSON有齊BAGEL﹐MUFFIN﹐ ENGLISH MUFFIN﹐ 格仔餅﹐奶﹐咖啡﹐橙汁﹐萍果汁﹐生果﹐好難得架啦﹐我比呢間野四星半﹐衰夜晚成日無車位（ｏｋ啦，係泊唔正房門前o者）。 講番正題﹐禮拜三既重點節目係ZOO YORK﹐一個星期前既天氣話會落雨﹐我都好擔心架啦﹐稔住如果落雨呢﹐就晏D先去﹐點知老婆是個大好人﹐上ZOO YORK都好天過人﹐真係要感恩了﹐藍色的緣分囉呢D咪﹐（藍色生死戀...男果個死定女果個死？）成個天藍色既。渣車個零鐘就到左ZOO YORK強人街喇﹐之前荷蘭隧道就得番一條線﹐大家對下對下咁﹐幾好玩架。（仲唔比我影相添，驚個閃光燈一閃成條隧道比我炸左）泊好架車之後﹐就同老婆行去SOHO先（ｓｏｈｏ先定強人街先呀？明明ｄ相好似係強人先）﹐衫對拒黎講都係無乜性趣了﹐（我比較鍾意日本時裝）拒陪左我行EMPORIO ARMANI﹐STUSSY閂鬼左裝修﹐掃興﹐APE﹐D TEE 加左價喇﹐唔係68蚊﹐係73蚊﹐NIGO又係到陰D陰D﹐D褸係靚呀﹐700幾,哈哈﹐叫做見識過啦﹐拒擺晒D價錢係裡面﹐咪又比我整番出黎。之後最尾去埋SUPREME﹐見到拒減緊價添﹐不過都唔會買架啦﹐到此一遊﹐最最尾帶老婆睇MOMA SHOP﹐岩拒又岩我﹐家私﹐得意野。（仲有班得意細路） 睇完都見肚餓架喇﹐唯一的選擇鹿鳴春﹐三點時分無乜人﹐先黎個蟹粉玩下先﹐大嫂食得滋味﹐再黎五香牛肉麵加雪菜肉絲麵再加多個豆沙窩餅比我姐姐。（痴線）名店衰既地方係唔理顧客感受﹐趕客唔憂做﹐呢間野不樓都存在呢個問題﹐FLUSHING店好少少﹐呢間特別明顯﹐成日走埋黎望下望下我食完未﹐衰知道我是不吹得的﹐否則我真係會破口大罵﹐張單22蚊﹐我擺低25蚊﹐拒識得自動唔找既﹐真係好笑﹐（學左香港收加一囉）如果拒敢出聲我真係唔知有咩事發生。（唔知會唔會有血案） 上得去﹐我買碟王又點會空手落黎呢﹐稔住去順明﹐點知新年休息﹐好彩買開既地牢有開唧﹐大量供應無線劇集﹐詢問華頭意見之後去購買。（我比左不少意見架，雖然我極力推介美女廚房，但係個老闆都識ｄ野喎，呢套標得咁鬼高價）重買左好多音樂碟同詹SIR碟添﹐（２隻詹詹我都睇得一半）上番地面架喇﹐見到D港產片﹐死心不息﹐再落多去一次問姐姐有無平版﹐拒叫我講渣名比拒揾﹐真係比拒揾晒出黎喎﹐叻女喎﹐買埋囉。 想買埋食開既阿婆棕啦﹐無開添﹐番去間古法茶餐廳買﹐拒話師父新年休息喎﹐岩既休下啦﹐轉買我最愛的白強糕﹐（令我見到菜媽餵菜爸食白糖糕的溫馨場面）拒問我係咪要晒喎﹐我話平D架﹖拒話幾毫子一件重講價﹐（師奶囉）我話我都係問下遮﹐你敢問我。買晒番去喇﹐係時候上時代喇。 撞著放工渣上去就梗逼爆啦﹐慢慢黎囉﹐十年唔逢一潤﹐第二次渣去個度渣。大嫂自得其樂﹐影下影下﹐（唔驚爆炸丫嘛）終於到左停車場搞惦架野﹐之後行番落黎就見到玩具反狗城囉﹐有個肥豬豬俠係門口影相﹐我地直入大堂見到個室內摩天輪﹐（唔知點解影親相都影唔到摩天輪個兜）上左去二樓兜左個圈﹐玩過下RABBIT﹐（正爆呀，WII必買呀）落番地牢睇過下GAME ZONE。 時代即係時代﹐無正斗麵家﹐無美真香都咁鬼熱鬧既﹐周圍D人都影相﹐如果沒收起碼有幾萬部。就係想大嫂感受下呢重氣分﹐（好正呀）重有個公仔（唔係細路女先係公仔咩？果個少女黎喎，定係靚女就叫公仔？）走埋黎問我地可唔可以幫下拒手﹐拿住個SIGN同拒影相﹐我心稔﹐如果你整估我咪大鑊﹐整個I AM STUPID﹐影咪影囉﹐幫你無所謂﹐唔好叫我渣野影。（醒目仔，睇得警訊多囉，荼毒埋美國人）就圍人逼逼﹐電視幕牆﹐拼命播放﹐見到M&M仔仔﹐行去拒間野﹐買左少少記念品﹐發覺時間差不多了﹐就行過去獅子王一番。 拿住張電腦飛入場﹐好在無著綠褲去唧﹐唔係失禮死人﹐（可能以為你係果ｄ扮草表演者）不過其實好CASUAL遮﹐預早成個月買飛﹐係咪咁正先﹐個位都唔錯﹐夠前﹐不過側左少少啦﹐格黎重坐兩個架妹添﹐行入黎都唔講EXCUSE US﹐真係無禮貌喇。（唔識英文丫嘛）我估8成係游客﹐8﹕06開場﹐正如發熱發亮姐所講﹐動物行入黎﹐（隻象正呀）全場柵晒門﹐無人去小便﹐又無人行番入黎。小獅子做得唔錯活力十足﹐隻雀都好好﹐一睇有少少盧DAVID FEEL加麥當勞叔叔﹐好專業既演員﹐玩木偶加自己既表情﹐犀利。獅子王其實主要係帶小獅子出黎﹐反而我鐘意奸獅子四哥﹐夠浮掛﹐夠奸﹐夠四哥﹐唱得D低音好鬼奸BE PREPARE。成場我最鐘意既演員。布景﹐音響﹐製作都係專業級反而同老婆講迪士尼係咪又比好少錢呢班友仔做蘇﹐大公司所為。（但我因為實在太眼訓，一睇到ｄ文戲就訓左，係咁瘋狂釣魚） 其實已經肚餓﹐但係更加想休息﹐鐵定番去買外賣﹐麥狗緣慳一面﹐都係餅娘既WENDY‘S好﹐一點收﹐等我地有好野食。（正爆啦餅娘，簡直有少少想叫果個triple芝士漢堡添，最衰係冇比茄汁我地囉） 利是總收入消息公布：
２００７年度農曆年利是收入達－－
港幣2360圓正
特別鳴謝松仔伉儷的大大大大大利是 @v@
恭喜發財！善哉善哉！ 2007/3/1 每日連載：菜華美國遊記點評（三）是日為第一個全日只得兩個人的日子。WW INSIDE STUFF 3TUESDAY﹕美國既日子過得係比香港快既﹐這點我和老婆都非常同意﹐車出車入﹐訓晏些少﹐已經過左半日﹐今日既行程係去鬼鬼（敵人）的地方﹐即係AC﹐（大西洋城）呢條路係我鐘意渣既其中一條公路之一﹐直﹐少車﹐唔太遠﹐岩我呢D唔用腦既人﹐（咁好危險）好快黎到凱撒皇宮泊好車﹐就帶大嫂參觀一下各大賭場﹐呢D場所其實唔係好岩大嫂FEEL﹐大嫂係故事姐姐﹐故事姐姐係唔賭錢既﹐故事姐姐係教小朋友儲蓄既﹐（希望今年可以轉做龍虎……門姐姐）只係飲紅酒架唧﹐不過一場黎到﹐當然要見識見識﹐萬一第時要轉行寫成人野咪唔識。（深得我心） 行去我都未去過既PIER MALL﹐（菜生記英文地方名真有一手）好多名牌呀﹐價錢當然貴啦﹐根本同我既做人處世背道而馳﹐低價購入名牌呀﹐大佬。（大佬咪你囉，做乜呀。仲有見到發現者頻道店舖呢，第一次見到電子相架，但樣衰）行出去觀景台﹐嘩﹐正囉﹐正合大嫂心意﹐（都合大佬心意啦）真正既大西洋﹐廣闊﹐靚建築物﹐海就梗係岩我啦。（雙魚仔）（仲有見到個寫住"I am not an Asian Tourist"o既糖盒呢，比ｄ人表明身分，笑死。） 未見肚餓﹐繼續行街街﹐行去出面個OUTLET﹐其他商店都係無乜性趣了﹐記憶中﹐我在這間FOSSIL見過一D阿媽尼介指﹐款式同價錢都係便宜既﹐當時見到未有購買﹐今次有大嫂﹐意義特別唔同﹐（因為係我送）一試之下﹐原來我地帶同一SIZE﹐買左兩對﹐一隻木做﹐一隻銀做既LORD OF THE RING喇。（我送比佢的情人節禮物） 做得文化界﹐點可以唔睇下書呢﹐（我做中文化界架喎，英文化界ｄ野識鬼睇）帶拒去BORDERS OUTLET﹐原本想買四條友WIGGLES﹐但係後尾都係放棄左﹐（太無聊了，本野又重）行到餓喇﹐係時候食野﹐晨早已經預左去IMAX﹐所以就由木板街行過去TROPICANA﹐行左去入口﹐竟然重查我同大嫂牌﹐以為我地未夠秤。（開心得我） 去呢度既主要目的係IMAX﹐先去IMAX望下﹐原來NIGHT AT THE MUSEUM 做到月尾﹐發達囉﹐大嫂就係鐘意呢套﹐當然我都鐘意﹐妹我是真的喜歡這套的﹐（妹懷疑你唔鍾意呢套？佢知你鍾意Tick Tack小企鵝？）經過精密計算既娛樂片王﹐時裝片。（仲以為係立體添，點知不然，但大銀幕睇都好好睇。同埋菜生識好多外國明星的，令人仰慕） 去到幾間餐廳既門口﹐看看餐牌﹐無理由食中菜架﹐間烈寧餐廳又無人入﹐見到CARMINES﹐妹後來話係NY CHAIN STORE﹐我唔知照入﹐WE ARE THE FAMILY STYLE RESTAURANT﹐ BIG BIG SIZE﹐ ENOUGH FOR TWO PEOPLE﹐一黎到整兜麵飽點點下油先﹐唔飲可樂﹐叫左兩杯檸水﹐一支水﹐講真我覺得D檸水麻麻﹐因為唔夠甜﹐（夠酸，幫助消化）但係飲到係好新鮮﹐兩個海鮮之人﹐揀左個MIXED SEAFOOD意粉﹐唔要天使麵﹐因為似米粉多過意粉﹐一上桌即刻畢比老婆試味﹐（正囉）我都唔輸蝕﹐食食食﹐係紅白汁之間揀左白酒汁﹐梗係﹐紅汁無技考既﹐SHOP RITE大把紅汁﹐一蚊一罌。食過後發覺真係相當唔錯﹐意粉軟稔適中﹐海鮮夠鮮﹐由其龍蝦唔痴殼﹐一整就成舊肉出﹐（特此鳴謝菜生幫我剝龍蝦殼添，本來真係想偷懶，直頭唔鬼食比佢食埋就算）即係靚野囉﹐一間可以再去既餐廳。（要成個family去囉） 晚飯過後時間尚早﹐周圍行下行下﹐大嫂想飲水﹐（大嫂咁煩嘅）走左去一間假CITY SUPER﹐見到門口有雪糕賣﹐欲欲想試﹐因為有生果味﹐可能大嫂口味隨和﹐次次都揀中大家鐘意既味道﹐（膠味芒果）除左朱古力啦當然。食過之後﹐原來我食流質食物真係快過好多人的﹐起碼快過我老婆同阿媽啦。（how about 松仔）呢兩個食野好快而我又好錫既女性。重有就係PINEAPPLE係正過芒果既。 時間差唔多﹐係時候進場﹐以為做左咁耐無乜人﹐點鬼知多人到爆﹐好彩都揾到個唔差既位﹐（我偷睇到坐我隔籬果對男女在做2B級的事）一如我之前所講﹐一套經過精密計算既娛樂片王﹐唔會唔好睇既﹐又過一日了。 |
|
|
