| W.W. 的个人资料WW @ 30s照片日志列表 |  工具  帮助 |
|
2009/4/30 宅人必修 亞視竟然唔聲唔聲播幸運星……
適宜配合涼宮春日一同服用。最衰唔係喺無線播埋。
不過睇套卡通片都可見亞視大方過無線，例如啲對白提到無線套《婚紗小天使》都冇遮遮掩掩，照講，唔怕話幫人賣左廣告。
最鍾意嘅角色一定係此方啦。因為同我一樣咁鍾意玩Gal Game （尤其是KANON！KANON！KANON！成日提到！搞到我又想玩番！我同佢唔同嘅係我唔打online game……尤其唔會同班主任一齊打XD ）又一樣咁鍾意臨急抱佛腳（不過我唔會抄功課）。如果論宅度我當然比唔上佢啦……
套卡通頭幾集真係要有愛先捱得過，因為成日影住三個女主角小息喺班房傾計，一傾就傾成十分鐘，角度都冇變過ＸＤ搞到菜生睇咗幾眼後就話無聊到笑 =_=b 但第四集開始就ok喇，事件豐富ｄ。情況有ｄ似當年笑園漫畫大王……講起黎兩套野都有個講關西腔嘅人喎。 我和尋回犬的十個約定 冇睇呀，真係好驚睇到狂喊，上次睇電視播套《老友狗狗》都喊到傻（雖然有幾段好無聊）。睇住果十個約定先啦：
一．請耐心聆聽我的話語。 四．別忘記我也有感情的。 五．不要和我打架，因為終有一天我長大了，我便會贏的。 六．我不聽話的時候，一定是有原因的。 七．你上學，有朋友，但是我……就只有你。 八．我老了以後亦請繼續做我的朋友。 十．我不會忘記一起渡過的日子，我死的時候，請留在我的身邊。 第七至十點真都睇到好心up，啲人成日話好想做狗呀狗好舒服咁，其實我覺得狗生活喺人類社會同坐監冇乜分別。完全冇自由做想做嘅野，就算係做啲自己本性嘅野（例如大小便），都要莫名奇妙比人鬧。十幾年嘅生命完全喺人地嘅掌控入面。唔知會唔會有朝一日呢個世界冇晒所謂「寵物」，大家都可以各自喺自己嘅圈子自由自在生活？ 巨人國的護膚品尋日搭織織幫我買啲女人嘢，今日就有，效率高到誇張。 初初見到果兩支大野，仲以為唔知邊個買咗沐浴露，點知原來係自己嘅洗面奶同收縮水……每支成1000ml，真係用枝洗面奶沖涼都嫌多。XD 菜生返黎見到枝收縮水都嚇親。本來諗住放入雪櫃，但一黎雪櫃有陣怪味二黎枝野太大放唔落，所以冇計。 兩枝巨型潤手霜超抵，堪稱買物王嘅菜生都估唔中價錢。潤手霜又唔嫌多，尤其而家呢個時期，成日都要洗手洗手洗手架嘛。 所有嘢嘅香味都好自然，好淡，啱晒我。最香係果盒身體磨砂，真係成陣杏霜味……睇黎要喺盒面寫啲警告字句，唔係驚人沖水飲。 另外仲有一大咋試用裝贈品……真係勁，乜都多過人大過人 XD 有排用，幾舊水用一年，真係好。 希望唔會有人見到下面張相又喺度講「乜張枱咁亂呀」呢啲無聊嘢啦，大家做大事不拘小節呀下。
2009/4/29 Down 今天我跟菜生努力教菜狗down。
因為星期天在課堂上老是無法引他做到伏下的動作，所以昨天開始決定改用在網上看到的clicker training + capturing方法。最初要等很久才捕捉到伏下的動作，後來他知道每次伏下來都有吃的，就越做越密。結果令人滿意，今天已經可以加cue，讓他聽到down就伏下來了。不過因為才剛開始學，當然不是次次都能立即做到。明天繼續努力吧！
因為是第一次摸索著用這方法，所以還有很多做錯了的地方（例如沒有click卻給零食，還有每次都在相同位置練習），希望能慢慢改善。
用這個方法最好的是菜狗自己也很愛玩。今天他明顯比較開心（當然中午有靚女來探望過他也是原因之一），整天都蹦蹦跳的，而且時不時走到訓練的位置等上課，勁搞笑。 2009/4/27 Dog Training #1今日上第一堂，菜狗係超齡學生（另外兩隻都唔夠一歲，菜狗簡直係大叔）兼超級惡霸（嚇到隻長毛芝娃娃震晒）。Miss話佢係aggressive果隻吠唔係想同狗玩果隻吠，可能想做alpha dog，又話佢以後都未必同到狗玩，但起碼要教佢唔好咁惡囉。聽到我都有啲心UP。識唔到狗朋友唯有介紹多啲人朋友比佢識下啦，仲好啦人識買玩具比佢。 一路上堂佢就一路比人係咁隔籬（因為一吠狗就要即刻隔離），人地兩隻狗狗開開心心放繩玩，佢就喺隔籬間唔知咩房慘吠，慘到爆呀～～吠到失聲咁滯，好心你啦，唉。 另外唔知點解真係做極都做唔到ｄｏｗｎ呢個動作……差啲想親自示範比佢睇。 落堂搭的士，個的士佬話剩係去香港喎，咁都唔係拒載？難得菜生同個的士佬同聲同氣話係呀果邊去香港喎。乜的士有分香港的士同九龍的士架咩？我下次叫ＶＡＮ喇，人地貨ＶＡＮ仲大啲添，舒服啲又平啲（我CHECK過美孚去旺角一程四十三咋喎，頭先旺角搭返美孚成舊水咁滯），你地繼續短加長減兜路拒載啦下。 2009/4/24 菜狗與KONG幾天前家裏來了一隻自來雀。
隱約記得自來鳥不是什麼好兆頭，而且怕禽流感，所以牠後來飛走了，也好。 今天上班前又到LOG ON逛了一會，其實每次都只是看那少少幾個櫃的狗用品，但還是每星期都去看。這次買了狗餅。 因為大小比較適中，剛好可以卡在Kong的洞口，晚上下班回家就給菜狗試玩。
果然玩得不亦樂乎。可能因為第一次這樣玩（平日都只放一些很小塊的狗餅進去，一下子就給滾出來），所以對牠來說也算是個大挑戰吧！ Dog Training的筆記上說小狗因為天性是獵食者，所以會喜歡花一點工夫才得到食物。如果是人的話應該大多都喜歡飯來張口吧。真是人不如狗了。 工聯會課程精選貴價之選～ 仿真人機械人綜合課程：成萬蚊！做個一比一機械人！！！真係好勁！有錢都想去玩下！但夜晚喺屋企見到個同自己一樣嘅機械人唔知會唔會好驚！啲人成日叫我同老公去影婚紗相，我話不如去整對機械人仲正！擺喺屋企叫佢地不斷重演結婚宣誓果幕！越講越想上！ 職業犬隻訓練員証書課程：可能大家睇到個學費都會好似我咁睇多幾次！冇錯係五萬幾蚊！碩士都讀到！唔知實習用果隻狗係咪歸我？ 個名好勁系列～ 武當紫罡刀：真係好型！話比人聽學過，真係好威！尤其啲人「罡」字都未識讀！「各學員上課時請帶備刀一把。」又唔講明咩刀，又唔幫人買，我諗我唯有帶菜刀咋喎。 地震逃生技巧訓練：一睇個名就知實用。 PsychoGreen尋找心靈綠洲課程：因為我唔鍾意草地，所以如果調轉叫心靈石屎地會啱我啲。 幼兒普通話歌謠學英文：好複雜！唱普通話歌但係又學英文！而家ｄ細路真係唔簡單！ 與獅同眠:怎樣與強橫領袖及上司相處：個名令人有ｄ遐想！ 結婚一條龍～ 啲人成日話我好唔去影婚紗相，但莫講婚妙相，之前結婚啲相到而家我都未完整睇過一次，影完咪又係鋪塵！而且我又唔生仔，啲相第時死咗都係淪落至堆田區（其實有仔女都一樣），諗起就慘（點計都係整機械人化算好多！分分鐘慢慢改良下，菲傭都慳番！）！講起結婚，如果當日有多啲時間，我真係想上晒以下課程，自己ｄｉｙ！希望第時有多次機會啦！ 如果有個仔一定逼佢上系列～ 兒童戰鬥吧!Keroro機械人：精選中之精選！我唔係細路都好想上！ 狗狗系列～ 唯一真係諗住報的課程！但係時間好唔啱，叫老公去讀又唔制，冇計。 2009/4/20 金像獎 還我完整版！！！
我都奇怪點解廖啟智得左獎唔感謝神架喇……
蕭芳芳拎完獎致辭又得咁少……
如果要cut不如cut晒啲睇到人好尷尬嘅偷燒鴨／鵝／雞好過啦……
樊生講粗口又唔cut……
嚴重質疑佢地cut野嘅標準……
下年比亞視播啦，冇人睇好過比人咁樣蹂躪丫…… 2009.4.19生果報頭條其實我本來以為，一個人讀書少沒什麼關係，見得人多人生經驗豐富自然見多識廣，說話也照樣可以頭頭是道。 不過這則新聞又令我改變想法了。 但最令我奇怪的不是成龍，他會說這種話其實很符合人物個性，正如吳君如亂講話，是「天要下雨，娘要嫁人」的道理。奇怪的是為什麼這種會議會請他，然後為什麼正說著創意產業又講到政治頭上。 真的覺得可能是有人在陷害他，簡直開始有點同情他起來了。 2009/4/19 肥安君禮謹祝肥安馮伉儷百年好合，永結同心。 先講講本人準備出席婚宴的工夫，仲多過自己結婚。 首先剪髮。應該有超過一年沒上過髮型屋剪髮。已經蓬亂至本人無法接受的地步，本來想去好好恤個靚髮，但最後還是抽不出空（雖然樓下已有成打髮型屋）。勇字當頭而又有勇無謀的我，於是叫菜生幫我剪。結果剪到－－即是人地肯免費兼花咁多時間幫我剪呢，我唔應該咁多怨言嘅實情。留海剪得不錯架其實，不過後面碰巧剪到尷尬位（女孩子一定明白我的意思，那是剛好及肩的長度，每天早上起床會看到一邊或兩邊嚴重翹起，求其如我都無法接受），所以今天花了極多時間整理。最後用了織織送的捲髮器來把翹出去的髮尾捲回來。於是捲髮器就變成直髮器了。 你或許會問：既然沒空去剪髮，那何不用捲髮器把長髮捲成微曲當Set頭呢？Well，我的有勇無謀可不是浪得虛名的。 接著是做Facial。對上一次已經是自己結婚前，即是去年七月了。如果不是要修眉的話也不想去做。結果選了自己樓下平台最近的那一家（從家裏下去半分鐘就到）。本來想做最便宜的那一種再加修眉，但原來最便宜的那種只得針清和面膜（與宣傳品上說的不符），於是就選了次便宜的。雖然因為宣傳品與實際情況不符，第一印象有點不好，但因為做面的那位美容師感覺上挺細心溫柔，而且做面房裏沒有電視或電台，所以也挺滿意。不過最重要的部分修眉就沒大角咀的天使修得那麼好了。雖然過程中一直暗暗提醒自己，近日金融海嘯很多美容院倒閉千萬不要join course，但最後join了，請大家祝福我。 然後是化粧。我這次也照樣使出渾身解數去濃粧艷抹。之前看過那個台灣單眼皮女孩的神奇化粧術後，本來想仿效一下，但一直沒空買雙眼皮膠紙，更遑論好好練習了，所以最後還是用深藍色眼影矇混過去就算了。不過今天化粧掃脫毛脫得厲害，化完了粧後變得像個毛孩似地滿臉毛，單是撿毛也花了很多工夫。不知道哪個牌子的掃會比較好用？ 最後是衣服，這方面我很有先見之明地之前一晚已經準備好了。只是今天心血來潮把短褸換成了披肩，再由於天雨關係把高跟露趾鞋換成高跟短靴。 本來今天下大雨，我跟菜生又捨不得獨留菜狗在家（順帶一提，原來德國有法例規定不能獨留狗狗在家中，如果住在德國就可以免卻很多應酬了），再加上本來答應一起去的蘇記身體抱恙無法出席，我也真有點不想去。不過想到自己花了這麼多工夫（還特地去配了即棄隱形眼鏡，真是自己結婚都冇咁神心。不過話說本人結婚當日戴眼鏡是因為我老公話戴好睇過唔戴喎。仲話本人唔戴眼鏡好似男人，但而家又話化左粧戴con都幾好，真令我想殺人），而且我結婚時肥安也有到賀，所以還是去了。 婚宴地點在沙田馬會，挺隔涉的，不過從美孚乘計程車去因為有尖山隧道的關係十來分鐘就到了。七點半出門，七點三刻就到了，快到無影。八時多場內唯一朋友（其他都去了旅行。說到這裏我還蠻感恩的，因為我結婚當天都幾齊人，我想他到的人基本上都到了）扶老（公）攜幼來到，跟我們坐在同一桌。等到九時多才開席。不過此後過程挺順利的，沒有無聊遊戲，一道菜接著一道菜上桌，大約十一時就吃完了。因為我們這一桌坐不滿（不過以如此惡劣天氣來說，每一桌都坐得算滿了），有些人又早走，所以席中有人把炒飯和甜品之類都打包拿走，拿走時還叫我們不要介意之類。我又懶風趣口沒遮攔地說了句「係囉而家經濟唔好丫嘛」，得到人家馬上澄清是因為明天工人放假才把東西打包。 婚宴中沒有無聊遊戲令我頗為高興。不過沒有騙徒假扮抽獎逐圍收錢令菜生有點失望。中途少不得新郎出來獻唱，而且還播放了新娘偶像林海峰特地為一對新人錄的錄音，是新郎出的主意，挺有心思的。早知道我也叫菜生替我找展昭錄音啦，分分鐘親身黎耍兩劍都仲得。 整體來說該場地普普通通，最大優點是會場周圍都有電視，菜生說那是因為賽馬日那些馬主都坐在這兒邊吃飯邊看賠率喎。 2009/4/15 罪證菜狗經常瞓上菜生果邊床的罪證。
2009/4/13 世界奇妙物語09春之特別篇炸彈男的開關：麻麻！比我一早炸瓜果個弱雞孱仔！
輪迴之村：ＯＫ！結局出人意表！
智力問答的天堂地獄：搞笑！如果個世界真係咁，我都幾有信心做到特首！
深夜裏的殺人犯：推介！以後女仔向男仔提出無理要求時要小心！同埋以後見到Ｄ浪漫野不妨諗下背後發生過咩恐怖事！
從天而降的志願者：麻麻！少少老土！
blog聚bbq特別鳴謝3ddb伉儷籌辦的復活節BBQ BLOG聚，令久未BBQ的我終於可以一償素願。 BLOG聚地點是大埔的大尾篤燒烤王，環境好，抵食夾好味，very good！！！當中最受歡迎的是鱔片～～不過我最喜歡蜜糖烤麵包！！:d 這次聚會除了有第一次見面的3DDB及其好老公外，尚有返咗香港大半年仲好似尋日先返咁的Christmas，以及寧兒和康師傅，還有3ddb老公朋友一位。席間大家都言談甚歡，可惜因為本人夫婦要趕回家餵飼小狗（看到滿桌的大魚大肉就想起小狗餓肚子的慘狀），所以未能與眾人奮戰至最後一刻，希望有機會可以再聚！！！
2009/4/9 嬲嬲 做Freelance的一個缺點是，就算你做到嘔血，人家還是以為你好得閒。
希望大家以後可以把Freelance想像成粵語殘片裏張英才邊咳血邊寫稿的慘狀，而不是拿著筆記電腦到Starbucks印印腳的閒適情態。前者應該比較接近我的實況。
而且我又不喝咖啡。
不過人家怎麼想也沒關係，反正每一行的人都會對其他行業的人有偏見有誤會，其實又沒什麼大不了。
但問題是當你的米飯班主也這麼想，就煩死了。
最近因為經常收到編輯一些串串貢的電郵，所以決定把電郵分流，把一些不想看到的人發來的電郵，分流到另一個不常開的郵箱，每星期只開一次 XD
不過每次看到還是很火大。覺得對方犯不著這麼串，有話直說更討好。因為本人很遲熟，現在才到反叛階段的關係，所以每次看到這種語氣都令我的工作意慾大為降低。
有時我覺得你找一個Admin來寫電郵更好，那即使對方不客氣也不會用一種文人愛用的嘲諷筆法去暗串你。而且問題是，無論你串得有多暗，我都睇得明囉。
編輯其實真的很麻煩囉。 2009/4/8 御泰X今晚同ＣＥＲＴ ＥＤＵ同學食飯，去ＡＰＭ的御泰Ｘ（唔記得全名）。普普通通啦，個木瓜沙律好辣下，但椰奶湯幾好味。但又魚又蝦咁要剝殼好煩，唔多想食。 過程冇乜點呀，食下傾下咁咋，菜生都去咗，但因為想坐窗口位，搞到坐我對面，傻嘅。 最後提醒一下某人（雖然佢應該唔會睇到）： 你記得還番條毛比我呀！！！！！ 唔係我下星期扣起你啲人情架！！！ 美孚第一飯搬入美孚後我煮的第一餐lunch：
冇時間買菜，將就下啦，仲有麵豉湯架。 另外，夜晚俾菜狗玩之前在log-on買的馬騮公仔，菜狗玩玩下，拆咗馬騮條尾，竟然發現……
內藏鐵線一大條！！！！！！！！！！！！好彩睇到，不過都有啲驚唔知會唔會吞咗啲，唉，貴嘢都冇好嘢。 2009/4/6 菜狗沖涼2009/4/4 轉糧
而家食緊Hills，我估菜狗腸胃唔係幾適應，想轉天然糧，諗到頭爆都唔知轉邊隻好，有Ｄ寫到有六星級但人地又話蛋白質太高，食得多唔夠運動又有結石（唔知人係咪會一樣？咁我成日食蛋咪……），一陣又話無穀物好啲，因為唔使怕敏感，但無穀物蛋白質又會高，買埋《選擇》月刊果篇咩咩貓狗糧選擇秘笈嚟睇都冇用，繼續頭爆。 唯有靠口碑。人地話Fromm好喎，好多長毛狗食，寵物節又拎到試食，咪試下。我諗唔食嘔佢食痾佢食痕佢應該就ＯＫ掛。 |
|
|
