WW @ 30s: 給下一輪太平盛世想研究2000's三十頭師奶日常生活的人類學者

W.W.'s profileWW @ 30sPhotosBlogLists

Tools

Help

Blog

Summary

Listed by:

<< First < Previous Next > Last >>

9/15/2009

打風日

　　尋晚算幾早訓，今朝算幾早起身，十點。

　　因為見得閒就落街買餸，繼續想煮前幾日想煮嘅嘢。繼續買唔到帶子，喺ＰＫ買左頗多嘢，百幾二百蚊，又益左李＋ｘ。

　　返屋企途中買左五蚊魚蛋篤篤下。又喺涼茶舖買左枝生魚野葛菜湯，菜生尋晚食龜苓膏果陣話想試下。

　　返到屋企無耐就話三號波，鬼咁大雨，心大心細唔知好冇打去取消古琴堂。

　　本來諗住lunch煮飯等菜生返黎食，點知佢要同老頂食。十二點幾終於打去同阿sir講改期上堂，阿sir話喺街返到屋企覆我，到而家都冇覆，都唔知有冇得補番。

　　因為會轉八號波所以落街買多次菜。見到一隻我冇見過嘅菜，問個阿姐佢話係潺菜，問佢點整佢話滾湯或者蒜蓉炒都好好食喎。五蚊斤咁平咪買返黎試下。

　　因為菜生唔返所以我煮公麵同生菜食算數。

　　跟住做嘢，因為星期六日做咗啲所以好快搞掂。

　　黃昏出廳睇新聞，掛左八號。啱啱播完特別新聞菜生就返到黎。啱晒，叫佢幫手切嘢。

　　佢切完嘢入房訓覺，我繼續煮。整咗豉汁魷魚蒸豆腐、勝瓜木耳煮豆卜、炒潺菜，然後叫醒菜生起身煎豬扒。

　　我次次都係一係唔煮一煮煮太多。下次試下平均啲。

　　食飯。豉汁果味好食，調味分量我估估下但結果ｏｋ；豆卜果味菜生話我做乜成日煮，其實講真我唔係特別鍾意食，但我份人有時係會不知不覺做啲自己唔鍾意做嘅嘢（例如我係勁憎食鰻魚飯，但係久唔久去到ｄ日式餐廳又會叫，叫完先醒起自己好憎食）；炒潺菜初初我都覺得ｏｋ，好似莧菜咁，但菜生形容得好核突，又鼻涕又乜咁，搞到我都覺得難食，不過都依然接受到嘅；豬扒勁好食。

　　食完飯都好似成九點幾。睇下新聞，休息下，上下網，沖下涼，傾下偈，笑下狗，無無聊聊渡過。

9/1/2009

老公放假的日子之四

10:00am	醒
11:00am	起身，睇谷
11:30am	食通粉
11:45am	睇報紙
1:00pm	去上堂
2:45pm	到左阿SIR屋企門外，點知阿SIR未返，等左幾個字
4:20pm	上完堂打左比菜生五六十次（實數），都打唔通，條友唱緊Ｋ收唔到電話去左ＨＭＶ，但全身得廿蚊，望到啲碟想買又冇錢買，人生一大憾事
5:30pm	條死仔終於唱完Ｋ識聽電話搭過海巴返屋企
7:00pm	返到屋企餵狗嬲得滯頭痛食焗豬飯頭痛做唔到嘢，ＨＥＡ下，聽下啲買番黎冇聽過嘅碟
1:00am	瞓，越黎越早瞓真好

11:23 AM | Add a comment | Permalink | Blog it | 給下一輪太平盛世想研究2000's三十頭師奶日常生活的人類學者

8/31/2009

老公放假的日子之三

10:50am	起身，夾下眼睫毛，滴下眼水
11:05am	返教會，下星期返主日學，要十點返
1:00pm	返屋企食飯
2:05pm	夾下眼睫毛，滴下眼水睇下blog，睇下狗谷，睇下車谷，睇下facebook 睇黃子華ＤＶＤ
4:00pm	眼瞓，瞓陣
4:30pm	阿媽打黎，嘈醒我起身，見到菜狗喺廳all左c，叫菜生起身執做嘢
5:30pm	去禾輋同老母食飯
9:00pm	食完飯返屋企做嘢。本身希望今日做好個job，希望。因為聽日上堂所以上youtube搵啲古琴曲聽下。
1:40am	竟然又做好一個job 開始做另一個奇趕job
2:34am	出一出房拎嘢，返入房果陣菜狗跟埋黎，跟住企喺我床邊無啦啦胡我，痴線仔，即刻喝退佢放棄做嘢，睇谷
4:11am	瞓

4:12 AM | Add a comment | Permalink | Blog it | 給下一輪太平盛世想研究2000's三十頭師奶日常生活的人類學者

8/30/2009

老公放假的日子之二

8:00am	成晚失眠，今朝約咗視光師8:45am驗眼，所以晨吉咁早要起身。
8:45am	例行驗眼，本身覺得右邊眼痛痛地，以為之前戴CON整到，但視光師（靚女）話我左邊眼角膜「損晒」，因為單眼皮所以眼睫毛長期刮住。不過視網膜好靚，可喜可賀。因為眼角膜損左，所以過兩星期要覆診，又要早晚滴眼水。我問佢長期要點預防，佢話「要日日夾眼睫毛囉」。下次去美容院一於電左佢算。驗完眼去咗附近堡家勁食早餐
11:00am	返屋企，瞓覺
3:00pm	年紀大咗唔瞓得幾多，起身做嘢
6:00pm	同老公同SOSO打羽毛波
7:00pm	同老公同SOSO去WEWAH食飯
10:00pm	返歸，做嘢睇魯魯修S2 睇鋼鍊
2:10am	竟然做得完一份JOB
2:30am	瞓

8/29/2009

老公放假的日子之一

12:30pm	起身，食飯，老公買咗龍脷柳飯
2:30pm	出門，返工原來一次過做七個鐘嘢都真係會做到有少少呆滯
9:30pm	放工老公接我去九龍城食飯食間泰國嘢，比啲泰式海南雞飯醬辣親，啲嘢偏鹹
11:00pm	返屋企，睇新聞沖涼上網自己睇海貓鳴泣之時#9 睇discuss
3:07am	瞓覺

7/5/2009

沒有菜元培的日子2009

7:30am	尋晚發夢去海洋公園玩，仲有一個中學舊同學咩暉兒（同佢極不熟），咩暉兒係個驗屍官，佢男朋友係魏俊傑（應該因為尋日上網見到啲人話滕麗明同郭政鴻分左手，所以記住，我好憎佢其實，我幾唔鍾意Ｄ眼大嘅男人，懶靚仔咁，例如佢同莫少聰），跟住兩個人唔知點樣失散左，魏俊傑極其緊張，我地其他人就去搵。搵搵搵終於搵到，我地同咩暉兒搭吊車落山腳，叫魏俊傑過去，佢就提議話喺一檔脆脆嘢度會合，完。自然醒，起身餵狗，瞓番
10:45am	自然醒，起身，執屎，執尿，食公麵，搞掂已經十一點幾，晏咗，冇番教會
12:03pm	做嘢(Lok C)，今日要埋尾收到糧單，比我想像中好喎，明明上個月做到死咁滯，今個月好似冇乜點做（因為趕緊其他野），但個價錢又唔係爭好遠咁嘅？真係要多得老闆關照 XDD 記得聽朝要返工過埋七月我就係一個自由人了，希望到時唔好再犯賤攬九萬樣野上身，係時候提高少少生活同工作質素菜狗瞓左兩日兜兜好似又瞓慣左咁，雖然而家我冇擺嘢上梳化但係佢都唔會上，喺睡房陪我
5:30pm	唔做住，執房
7:00pm	接~機~

－報告完畢－

沒有菜check妍的日子2009

8:00am	餵狗
10:40am	起，放狗食lunch 睇報紙想睇番尋日果集ＩＤ精英，但係好LAG，放棄睇番尋日果集碧血鹽梟睇番上星期果集魯魯修今日電視精選（仲以為今日冇乜嘢睇 :( ）： 5pm幸運星 5:30pm我們這一家 7pm新聞透視 8:30pmID精英結局 10:30pm蠟筆小新 11:15pm魯魯修上啲寵物討論區啲人成日話識睇電視嘅貓狗蠢啲，人都係 :(
3:30pm	做嘢（lok c），唔係點
7:30pm	放狗，吠到痴線，直頭同樓上啲狗大合奏咁滯有關放狗落繩嘅一篇blog文，我深表贊同做嘢（lok c）菜狗完全係坐定定睇ＩＤ精英，郁都唔郁跟住都係睇電視－＞做嘢－＞睇電視－＞做嘢咁，今日冇乜嘢諗
2:15am	頭痛，瞓

7/4/2009

沒有菜完雲的日子2009

7:00am	講都唔信，咁早起身餵狗，因為驚佢又嘔。
10:30am	正式起身，果然冇嘔，亦冇all c 放狗，all c，all new。我覺得對狗黎講最重要就係佢啲c，睇佢有冇病都全靠啲c，所以每次見到佢all正常c我都好開心食飯同菜完雲傾一陣，成日比佢笑狗我
12:10pm	做嘢（lok c）睇到「寫臭屁　訕笑　希望媽媽不在家　小學教科書被轟教壞學生」果單新聞，個家長同何漢權啲言論真係令我好嘔心，呢啲友真係仲天真過啲小學生，又斷章取義，都唔知有冇受過教育，同埋比我一定唔會比個仔女讀何生間學校囉唔該。仲有蘋果登埋呢啲「新聞」都真係有夠無聊，如果佢個個無聊家長都去訪問真係訪問到2046都唔得掂。睇親呢啲新聞都令我想生仔，我教出黎嘅仔女一定贏晒呢Ｄ家長嘅仔女啦，統治宇宙都仲得呀。我唔生仔真係全宇宙嘅損失囉。去廁所果陣睇咗幾頁《中國不高興》，其中有一篇寫到好似技安上身咁（其實同我啲風格都幾似ＸＤ），好好笑：「將來我們力量更大了，你（美國）要不取得我們的好感，我們就揍你。」「現在的年輕人在國外都敢揍外國人了，憑什麼說（中國人）是軟蛋？」「你們好好跟你們（外國）的公民說，奧運會期間你們的公民千萬別鬧事，萬一中國警察罩不住，你就死在這兒了，不值。」「我也可以明告你們這些西方人，就是（中國在）1959年（取得西藏）又怎樣？你有種你過來打，你廢什麼話？」「但是中國民間要告訴外國人，1989年、1999年佔的（西藏）又怎麼樣？有本事你來搶。」（注意以上各句都係喺兩頁之內出現，而且語氣十分自豪，唔係反語。句子引自〈西方該正視中國「不高興」了〉一文，作者為王小東）真係有「狗流感」喇！！！點算呀……希望菜完雲喺美國返黎會喺公司瞓幾晚先唔好返屋企住啦 :(
2:33pm	肚餓，但係屋企冇嘢啱食，得番啲米粉同通粉，唯一想食嘅係烚蛋，但係晏晝已經食左兩隻炒蛋最後食左飯同咸蛋做嘢（lok c）
4:54pm	個word瓜咗，好在有得recovery，開番繼續做（lok c）菜狗行埋我床邊逼我摸佢菜狗借啲意將個染滿口水嘅ＫＯＮＧ放上床，然後跳上黎
6:15pm	又返工。回想起上個星期五，菜完雲啱啱過美國，我第一次放工孤獨地留喺屋企。開心嘅時光真係過得特別快。想去page one買caring for your dog，但冇咗，慳番
10:00pm	放工返到屋企，放狗，喺平台all c all new，我發覺每日最幸福嘅時間就係睇住菜狗all到好健康嘅c，尤其喺平台all就更幸福，所以今日幸福咗兩勻。另外再次譴責果D放狗唔落繩嘅狗主，今日冇咁好氣咒佢地。
10:15pm	返屋企睇鋼鍊睇last friends 做一陣stepper，不過冇開冷氣，好辛苦。
12:15am	做嘢（lok c）諗起所謂「而家冇天才」嘅問題。而家呢個社會就係要令所有人變到一樣，有一樣嘅技能，一樣咁平庸，然後一樣咁安於平庸。即係點解而家冇愛恩斯坦？因為如果愛恩斯坦生於現代，佢就要花好多時間去上啲乜班物班改善讀寫困難增進溝通技巧而冇時間去諗嘢冇時間研究相對論。點解人一定要識讀書寫字？點解一定要科科及格唔可以一科Ａ＋＋＋＋其他全部肥晒？係咪因為我唔係人地阿媽先會咁講？如果做左阿媽係咪就唔會接受到自己個仔咁樣？即係好似我對菜狗咁，佢對狗惡到死對人super friendly，點解我一定要佢學同其他狗相處？由得佢同佢鍾意嘅人類一齊唔得咩？
2:50am	做完今日嘅份量。最後寫左篇好嘢，自己一路寫都一路霎時感動，眼濕濕添，勁。睇一周、忽周、FACE
4:25am	瞓

7/3/2009

沒有菜Ｂ林的日子2009

9:30am	醒，咁早呀，瞓番
11:30am	起，菜狗冇all c，但係梳化度有啲綠色嘢（同埋有啲疑似潔齒骨碎片）？？？懷疑佢尋晚嘔。即刻查書查網頁，話如果persistent地嘔就會有問題，再睇定啲。同埋發覺DK本Caring for your dog都幾有用（而家借緊黎睇），聽日去買睇佢個樣又好似冇乜嘢，唔知會唔會係太晏餵佢所以嘔？定係尋晚食咗果支潔齒骨嘔？餵咗佢，帶左佢落去all c，啲c都好正常因為佢嘔到梳化墊污糟左，所以墊同套都要拎去洗
12:30pm	食雞蛋通粉
1:00pm	執埋啲手尾(sunya) 菜狗喺房個兜兜瞓覺，瞓到反晒肚咁，不嬲以為狗係趴喺度瞓，但其實好多時都好似人咁仰睡突然諗起結婚相，因為成日有人叫我影（到而家大概比人叫左十次以上）。唔知劉嘉玲同梁朝偉結婚有冇影呢？唔知汪明荃同羅家英結婚又有冇影呢？小小超同依莎貝拉仔都生埋唔知有冇影過呢？有冇果Ｄ叫個新郎跪低掹耳仔嘅相呢？有冇扮喺草原或沙灘奔跑嘅相呢？我幾鍾意佢地發比傳媒果張相，兩個人或企或坐，面向鏡頭，自然而不造作。咁呢張相我已經有啦，爭Ｄ喺沙灘或草原扮跑嘅相啫，等我練好條氣先下。不過實情果啲沙灘呀、草原呀、城堡呀、雙子影樓呀，同我嘅生活或婚姻有咩關係呢？我好怕影一啲冇辦法從中講出一個故事嘅相。其實照片本身應該係一件事情嘅記錄，唔係咩？咁點解我要扮model影相？而人地做model有錢收我要比錢（仲要好多）？點解點解點解？
5:30pm	拎梳化墊，梳化套未有得拎，要等星期日餵自己，豆腐米粉，好怪餵狗做嘢（sunya）
7:30pm	放狗，又冇all c，有吠狗想唔比菜狗上梳化，因為佢跳上跳落傷腳，搵啲尿片放晒喺梳化度，點知都比佢攝到lar上黎。如果佢今晚又嘔我就慘，又要洗做嘢（sunya）
10:45pm	做完（sunya）做嘢（lok c）突然諗起減肥問題，因為菜Ｂ林唔喺度我都減左ＤＤ。令我諗起點解佢喺度果時我會暴肥。其實就係因為佢太瘦！！唔知大家有冇聽過一個ＩＱ題，就係兩個人坐火車，經過一條隧道，出咗黎之後一個塊面污糟一個乾淨，但係結果係塊面乾淨果個抹面，點解點解點解？上網見到Ｄ人講婆媳問題，突然諗起自己老左唔知會點。
2:00am	唔做，ＨＥＡ
2:30am	頭痛，瞓覺

7/2/2009

沒有菜素玉的日子2009

9:30am	醒，但係唔想面對狗c，唔起身住
10:20am	起餵菜狗執c執new，抹地匿埋喺廚房食乳酪，以免被菜狗見到煮魚蛋通粉，一陣先食 pps交大學貸款（好似還到2012年，唔知到時世界末日未）、卡數
11:08am	做嘢（lok c）菜素玉打黎
12:00noon	食通粉做嘢（lok c） Train左菜狗一陣同菜素玉玩webcam
5:00pm	食晚餐，煎魚柳，今次落左蒜頭，正～～不過我拍蒜頭果陣嚇親菜頭，吠左幾聲。我發覺佢呢排吠多左，尋日我阿媽上黎佢又係久唔久吠佢一聲咁（可能因為我阿媽食緊嘢，佢為食），睇電視又成日嗚嗚聲，尤其是《王老虎搶親》果個廣告－－咁呢層我都明嘅…… 做嘢（lok c）六點餵狗，原來餵完狗係唔應該即刻放狗，所以要等個零鐘
7:15pm	放狗（放狗倒數，仲有四日），平台得啲菲傭，冇狗，天下太平，all埋c，冇all new，喺屋企張new片all左返到黎同佢抹身、抹眼、刷牙、梳毛，比個薑餅人必必公仔佢玩，笑晒口咁比潔齒骨菜狗食，食得好過癮咁做嘢（lok c）我去廁所，菜狗又喺廳去，all晒落地板啱啱沖完涼菜狗又走黎lam我大脾……不過我覺得佢個口可能乾淨過我大脾
11:30pm	睇鋼鍊……但係冇！！！！！！！！做完喇咩？（查證：改左星期五10pm做－－喂我返緊工喎！）唯有專心做嘢（lok c）屋企已經鋪滿晒我跌出黎嘅頭髮喇！好似一間恐怖屋咁！好伊藤潤二feel！大家呢排千祈唔好上黎呀！唔好話我唔警告你！
1:28am	哇！啱啱做完一part個word就自動quit咗喇，問你怕未！好在save咗
2:15am	做完今日目標，ＨＥＡ菜素玉打黎，傾咗少少
4:20am	瞓

7/1/2009

沒有菜鍔與小鳳仙的日子2009

10:30am	菜鍔打黎，起餵菜狗終於有一朝唔使執ｃ，帶佢落平台all c，順利。帶多五日就得喇～～返屋企食早餐（乳酪）同菜鍔再傾下電話尋日同D小學同學facebook同msn，搞到我又好想返去小學（已殺校）睇下，等菜鍔返黎搵日同佢去橫掂都係順便食埋lunch，炒蛋真係好正呀～～～但係搞到個廳好大陣油煙味
12:30pm	做嘢（Sunya）
2:30pm	搞掂Sunya第一稿，要隔一陣先可以潤飾 eat apple 轉做Lok C
3:40pm	見菜狗好似想入房，於是開房門同佢入房，點知入一入黎又出番去，出一出去又入番入黎，正傻仔做嘢（Lok C）瞓喺床做嘢，好想瞓覺手指尾突然好痕！搽到成手萬金油
6:00pm	食魚蛋米粉餵狗，放狗，只all new，冇all c 睇電視做嘢（Lok C）菜鍔打黎，咁早起身呀
7:00pm	藍畫面阿媽上左黎做嘢（Lok C）
8:30pm	阿媽走做嘢（Lok C）
1:40am	工作上遇到世紀大難題囉，到底「怎」、「怎麼」同「怎麼樣」有乜分別（尤其頭兩個）？仲有「希望」喺書面語有邊幾種用法？幾時開始小學二年班嘅中文變得咁鬼玄？
2:06am	算，收工
3:00am	瞓

6/30/2009

沒有菜國權的日子2009

9:00am	起餵菜狗買早餐（吞拿魚三文治）九龍塘返工
12:30pm	放工返到屋企執C，執new，抹地煮飯（豆腐，飯），食飯有諗過帶菜狗落街，但係太熱，中午太陽猛。 Train菜狗一陣
2:00pm	ＨＥＡ
3:30pm	瞓
7:00pm	起餵狗執new，抹地
7:30pm	放狗，冇all c 同狗抹身，刷牙，抹眼食豆腐，食蘋果倒垃圾睇電視，做嘢（lok c），今日兩線劇集都好鬼感人，賺人熱淚我放部notebook喺大脾做嘢，菜狗過黎用部電腦托住個頭，得意到死。新聞講緝手機犬，我想搵本細筆記簿仔遮住菜狗對眼唔比佢睇，但後尾都比佢發現，即刻緊張，笑死。
11:40pm	入房工作效率低落，轉做另一份job（sunya）喺facebook add番個小學同學！
2:36am	冇心機做，收工，ＨＥＡ
4:00am	瞓
5:00am	菜國權打黎，痴左線呀咁夜打黎

6/29/2009

沒有菜瘋華的日子

9:30am	菜瘋華打黎，醒。本來諗住瞓多半粒鐘，但見到菜狗笑笑口fing晒尾咁行埋我床邊，心知不妙，果然喺廳all new出晒界。餵狗，抹尿，烚蛋做早餐放狗，一出lift，菜狗就奪命狂奔，地下又啱啱拖左，搞到我一野撻倒，跌瘀膝頭喺平台見到無數狗，菜狗狂吠。有個PK主人懶勁咁放隻約瑟爹利唔落繩，鬼唔望佢有朝一日追隻狗出馬路自己比車撞瓜，隻狗冇事，比我領養埋。菜狗冇all c，徒勞無功咁返屋企。
10:55am	返教會，今日又係女人講道。我對女人講道有啲抗拒，因為通常講得唔好，同埋成日搵啲師奶生活經歷黎充撐場面，題材頗為狹隘。不過有對比之下，今日呢個姑娘就好過上次果個十倍（但係都唔及牧師同另一個男傳道），係尾段悶啲。不過如果再見到係女人講道我都唔會返，改返沙浸，如果第時有車的話。今次我效法上次個阿婆，趁唱歡迎歌果陣走，先發現原來果個時間係走路高峰期，差唔多三分一至一半人都喺果個時間走。去ＰＫ買糧，買左脫脂奶、三文魚扒、香口膠同豆腐（接近100蚊）
1:10pm	返歸，菜狗冇all嘢整嘢食，電視做《十面埋伏》，金城武好型，但係我睇左三分鐘度煎三文魚煎左極多油出黎，係極多，搞到炸魚咁，同埋成屋成身一浸三文魚味食飯，忍唔住食埋魚皮，希望冇蟲啦食完飯洗碗成身一陣味，所以洗面先
2:00pm	菜瘋華臨瞓前一電ＨＥＡ
3:30pm	瞓陣
6:30pm	起餵狗，整嘢食（魚蛋米）濕立立唔知放唔放狗好，又唔知同佢落咗去佢all唔all c。最後都係落，好在all左，唔夠五分鐘返上黎。倒垃圾睇《香港創造》（好似係呢個名掛），講廟街幾好睇
7:30pm	睇《星期日檔案》，講全職爸爸。我覺得陪弱聽仔仔果個爸爸好偉大呀～～成個正直樣咁好鬼正（我好鍾意呢種樣），個仔又鬼咁乖。但係我又唔明其實全職媽媽仲多啦，不過通常都冇全職老豆咁受歡迎喎。所以睇黎「男主內，女主外」嘅母系社會模式先係王道。另外果家人呢，個老豆已經係全職爸爸，個阿媽又做四分一教職，但係點解都仲要請工人呢老老實實 =_=b 其實佢地慳番請工人啲錢都夠一年去一次旅行啦。做嘢（SDI）我做嘢菜狗瞓喺側邊好悶咁，如果有啲比狗聽嘅音樂等佢冇咁悶就好啦，突然明白果啲買莫札特效應嘅老豆老母嘅心情 XD 沖涼，沖完涼又做嘢
10:30pm	睇《星星同學會》，原來我一日都睇幾多電視下集係岳華，陳鴻烈，鄭佩佩，都幾好笑喎好似
11:30pm	睇新聞入房做嘢（SDI），菜狗喺個兜度望住我，好似睇下我有冇咩吩咐咁，冇佢又走左出廳訓梳化突然記得聽朝要返工，嚇死，真係差啲唔記得
1:40am	做完今日要做嘅嘢，ＨＥＡ陣菜狗半夜突然氣喘，喘十零秒度冇事
3:30am	瞓

6/28/2009

沒有菜康年的日子2009

10:35am	尋晚發夢自己老公（唔係真果個）有外遇，叫樓下一班馬戲團表演嘅人士幫我報仇。與此同時我係讀緊書，要睇本叫唔知咩小說定劇本，又要分組唔知做咩，本來想同唔知邊個靚仔一組，但係比人搶左，同左蘇蘇一組。最後見到陀槍師姐個娥姐，仲有陳錦鴻。當時陳錦鴻剛剛出道演技比較幼嫩，原來成套野係陀槍師姐一黎。菜康年打黎，本來想瞓多陣，但都係起身，餵狗，執Ｃ，執NEW，抹地整早餐（水餃），整完咪食，食完咪洗碗
11:40am	做嘢(SDI) 菜康年點半瞓前一電
4:30pm	練HAND HAND 煮飯（煎魚柳）食飯洗碗睇幸運星
5:30pm	做嘢(SDI) 睇新聞睇新聞透視趁菜狗食飯同佢練LEAVE
7:40pm	做做下嘢部死人機又藍畫面，好在之前save得算密成日落雨冇帶菜狗落街，終於頂唔順帶佢落去all c，佢都好開心返黎同佢抹身兼刷牙，突然發現平時用開果個指頭牙刷唔見左！！搵黎搵去都搵唔到，以為佢食左，好在後尾原來比條毛巾遮住，嚇死
8:00pm	倒垃圾，差啲又鎖埋左垃圾房度門，好在醒起。倒垃圾果不足15秒菜狗都all左new喺尿片度，頭先落街又唔all 做嘢(SDI)
9:40pm	同菜狗練左陣嘢做嘢(SDI)
10:00pm	本身其實想睇埋魯魯修先入房，但係入房拎野時菜狗一枝箭咁標左入去又唔肯出番黎，所以唯有放棄魯魯修入房，以免佢重演上床all new事件做嘢(SDI)
2:06am	收工，hea陣見到啲人喺討論區講曱甴，今日橫風橫雨肯定好多，真係極度驚……廚房開左兩隻大窗，如果飛左野入黎我都唔知點死，唔知好冇叫菜狗去食左佢地，但係我諗佢應該剩係會對住佢地吠。其實我覺得如果有人專門幫人捉曱甴（捉一兩隻果啲，唔係成屋噴殺蟲水果隻），呢門生意真係有得做，每捉一隻比五百蚊我都濟。
3:30am	瞓

6/27/2009

沒有菜李佛的日子2009

9:00am	菜李佛打黎，醒，餵狗，放狗，送阿媽走
9:30am	返歸，睇少少書，想瞓下，依然瞓唔著
12:00noon	起身囉，唔係點發現自己嘔一嘔輕左四磅，唔怪得咁多人扣喉減肥食lunch（水餃）
12:40pm	同菜李佛ＭＳＮ做嘢（sunya）
5:45pm	煮飯餵狗沖涼，同隻燈蛾對峙左幾分鐘，想用熱水射瓜佢不果，最後夾硬求其沖幾下算食飯（蒸水蛋同飯），六點幾先知掛咗三號風球
6:30pm	去圖書館拎書返工，真係幾大風，喺小巴見到行人路有個女人比啲風吹到轉左個圈，誇左少少
10:15pm	放工倒垃圾 check過，隻燈蛾仲喺廁所洗碗同菜李佛傾左一陣電話睇Last Friend，睇到瑠可比個教練狼吻，好緊張，睇到菜狗都吠晒，嚇死我做嘢（sunya）
1:04am	眼瞓，收工，hea一陣
2:30am	同菜李佛傾電話，瞓

6/26/2009

沒有菜瀾的日子2009

7:30am	起身，唔夠瞓，發呆，聽住菜瀾放狗，送菜瀾出門
7:50-9:00am	做Stepper，沖涼
9:00am-12:15pm	食早餐（水餃）落PK買定幾日糧食（$130）做嘢（Sunya）
12:15-12:30pm	Lunch（魚蛋米）
12:30-1:30pm	做嘢（Sunya）眼瞓到死
1:30-4:30pm	瞓
4:30-6:20pm	做嘢（Sunya）
6:20-7:00pm	晚餐（午餐肉通粉）睇Keroro
7:00-7:40pm	做嘢（Sunya）可能因為唔夠瞓，頭極痛，食咗必理痛都唔掂，後尾發現包藥過左期幾個月，但係上網睇有個醫生話過左期都食得好想嘔，忍住唔嘔，都係忍唔住，嘔晒晚餐加必理痛嘔完好好多囉
7:40-8:15pm	頭痛好番Ｄ就放狗，落平台，冇all c，成日吠空氣兼搶繩（我諗佢條頸就黎斷），樓上有人嗌落黎話「好嘈呀」（其實住對住平台啲單位都冇乜著數），拉都拉唔走返到屋企倒垃圾
8:15pm	做嘢（Sunya）同睇電視，頭仲係有啲痛做做下又好頭痛
10:30pm	頂唔順，搵阿媽求救，以免頭痛死左比菜狗食埋條屍都冇人知，叫阿媽黎陪瞓食咗粒美國感冒藥，好好好好好多上床瞓，瞓唔著
2:30am	菜瀾到埗，打黎。瞓覺，但依然好好好好耐先訓得著，五點先瞓得著我估

6/20/2009

菜生開夜的晚上

10:40pm	九龍塘放工返到屋企
10:40pm-11:30pm	見到菜狗all左少少new喺尿片，份量不足以引起本人關注，冇理；摸狗、笑狗、上facebook、check各人blog（冇新嘢）；上TVB.COM睇節目表，發現下星期涼宮果個時間做頑遊關西，唔使睇；菜狗突然不安，烏烏聲同胡胡聲夾雜，唔知係咪見鬼，定掛住菜生；去廁所發現隻馬騮洗咗都好臭，聽日或後日要放入洗衣機洗；睇下jobsdb有咩好嘢（冇），睇埋Jump（不嬲都冇嘢啱我）；一邊做嘢（Lok C P.3B）一邊睇亞視同無線新聞一邊ＭＳＮ
11:30pm-12am	睇涼宮春日大結局，好睇呀～～～不過朝比奈今集好似冇咁萌，反而長門萌啲，雖然無口並非我心目中的萌要素之一
12am-4:00am	入房，開冷氣，菜狗喺房同廳之間出出入入出廳檢查，菜狗冇all嘢，但係點之比佢聲東擊西又喺我張床all左－－講笑啫，冇all，不過訓左喺菜生唔想佢訓嘅地方－－我果邊床位隔離嘅地面，因為菜生話果度好多我啲頭皮喎 12:40am菜狗訓訓下夢遊出左廳，2:52am菜狗返入房，去我床邊望下我，比我摸兩下，又滿心歡喜咁出番去做嘢（Lok C P.3B）睇咗一個舊朋友喺ＦＢ嘅相，發覺真係好多人結左婚之後會肥 :(
4:00am-5:26am	頂唔順，要轉第二份job(sdi)，睇下片，冇咁悶收到惡耗，菜生仲要好耐先返到，好慘仔 @_@
5:27am	頂唔順，訓先，byebye