星期五整嘅。

　　本身想整煎帶子先，但係買極都買唔到帶子。超市又冇，魚檔又冇。搵咗幾日都冇。

　　買菜時見到啲苦瓜幾靚，於是買左個大嘅。

　　苦瓜炒蛋好好好好食呀～～同埋有排毒功效！又夠晒平！七蚊一個苦瓜，仲可以分兩餐食！（星期六菜生整咗苦瓜炒牛肉）

　　不過菜生嫌冇肉喎，又擅自開咗罐罐頭魚黎加餸，搞到餐飯貴晒。

本來想整蛋包飯，但個平底鍋唔夠大，啲飯又太多，最後只能整成蛋墊飯。啲飯咁深色係因為溝咗紅米唔係落得太多豉油呀下。

側邊果PAT係Ｍ記茄汁黎，如果係蛋包飯的話應該會用黎嚮蛋面度畫個笑笑面。

另外仲配左碗ＡＢＣ字母羅宋湯，味道十分匹配。

菜生讚好食，評語係：「估唔到你竟然識整呢啲嘢。」十分失禮囉。呢味嘢好似係初中上家政果陣學嘅，好似係。我初中學拋鑊添呀（要走去老師面前將平底鍋上面果塊pancake拋到反轉，係考試項目之一黎。諗落老師其實都冒左好大風險），仲識整西湖牛肉羮呀，不過因為要落芫荽所以我學左之後冇整過。得閒搵番家政本野出黎睇下先。

同場加映：菜狗探監記。佢自己玩貓公仔果時fing fing fing fing咗隻貓入欄（個欄用黎隔絕菜狗同名貴電視），跟住就全程深情望住欄入面嘅貓貓，菜生食飯佢都好少理，望足十幾分鐘，我先放番隻貓出黎。

　　搬入美孚後我煮的第一餐lunch：

　　冇時間買菜，將就下啦，仲有麵豉湯架。

　　另外，夜晚俾菜狗玩之前在log-on買的馬騮公仔，菜狗玩玩下，拆咗馬騮條尾，竟然發現……

　　內藏鐵線一大條！！！！！！！！！！！！好彩睇到，不過都有啲驚唔知會唔會吞咗啲，唉，貴嘢都冇好嘢。

　　又係時候同大家分享上堂筆記！！！（如果睇到我ｄ字你就執到了）

　　這一次學做年糕和蘿蔔糕，易做！實際！將來有空應該也會做。

　　雖然說是實習班，但實際上還是只得老師一個人在做XDDD另外還有一個同學幫忙，其餘同學等食等拎。

　　看過老師示範做法，再呆坐個多小時（因為要等蒸好），便一人一盤蘿蔔糕和年糕帶走。　　

　　另外老師說下次的糉班，每個人可以帶走九隻糉！！！！！！！！！！！！好想跟菜生一起去 XDDD

　　今天到工聯會上魚翅班，但其實我們的目的是用煮魚翅的方法來煮粉絲！不會殘害可憐的鯊魚！

　　以下是我的筆記：

　　以下是菜生的筆記：

　　另外，解答灰姑N年前的煲魚湯問題：阿Sir話開大火喪滾就可以將湯煮成奶白色！