好慘，次次睇到呢段都會狂喊。T_T

但係菜生睇到都無動於中，真係冇人性，估唔到佢原來咁冷血。T_T

　　尋晚玩完，即刻上YAHOO拍賣睇下有咩紀念品，點知連套校服都有 XD 校服應該好大機會唔會買（即係查實都有少少想，希望大家唔好去想像個畫面） XD 但係幾個校徽真係走唔甩 :( 如果牡丹整得靚少少都想買 :( 搞到我年尾旅行想去日本買下精品 :( 不過個GAME過左咁耐應該都冇乜精品賣，但係after story嘅動畫好似舊年播架喎……

　　歌詞

　　首歌好好聽囉，見到啲光飄下飄下都想喊呀我，慘到ＰＫ個故仔 :( 仲要唔係一個人慘係個個女主角同埋男主角同埋男主角老死男主角老死個宿舍管理員男主角老豆男主角個女幻想世界隻機械人路人甲乙丙都慘，使唔使呀 :( 不過我又相信人生真係好多慘嘢，你問下你附近果個人都可能即刻講到唔停。呢個係我嘅經驗之談，因為我次次問人屋企點，人地求其都一定可以講到啲慘絕人寰嘢嘅。所以我係真心唔信有男人專一嘅，夠膽你就問下自己老豆。

　　而家我捉住菜生晚晚陪我睇一集GAME改編嘅動畫先准訓，預計係睇完校園篇嘅動畫再睇After Story嘅動畫總共……五十零集好似 XD 希望佢會精精地同我一晚睇兩集，但係佢又好似啲細路咁集中力嚴重不足（好似得十分鐘），所以都係……睇完Clannad我仲要重溫一次Air嘅動畫（少少想玩番game但動畫其實已經十分ok），當然少不得向菜生大力推介，一定會逼佢同我一齊睇。今次得十二集啫好似，唔計Summer篇。

　　同埋我跟住成個月嘅blog應該都唔會有其他話題，想睇狗嘅去第二度啦。