| W.W. 的个人资料WW @ 30s照片日志列表 |  工具  帮助 |
|
2006/1/14 髮型屋奇遇記 星期六到髮型屋剪髮已屬十分不智的行為，更遑論電髮。今天我就花了一整個下午再加晚上的兩個小時在髮型屋裏磨。一來是因為電髮加染髮（儘管只是挑染）加焗油本來就挺花時間，二來是因為負責招待我的那位髮型師中途竟然去了溝女，把我丟下不管，去招待那由媽媽陪同來剪髮的十六歲妙齡少女。於是我就見證了一幕「髮型師溝女記」的真人show。
髮型師溝女記（前奏）
男：咦，個女仔ｘｘｘ（冇留意佢講乜）
女（配角）：你唔係咁都覺得索呀？你ｄ品味都幾差下。
男：而家呢個時勢唔要求得咁多o架喇。
就是這樣，本來應該招待我的髮型師中途就轉向招待那位他很勉為其難地覺得索的少女。正所謂禍不單行，我後來竟不幸地被安排坐在那位少女的旁邊。於是我不但要眼巴巴看著本來應該招待我的髮型師極盡細心地替那少女剪髮，還要聽他們那些叫我雞皮疙瘩掉滿地和忍笑忍得很辛苦的調情對話。
髮型師溝女記（精華版） 男：你好香喎，搽左香水呀？
女：咁得唔得先？
男：得呀。你一定好多人追。
女：點解個個都咁講？
男：青春無敵丫嘛。
女：不過都有人唔鍾意我o架，ｄ女仔囉。
男：點解呢？
女：可能我Open掛。
男：我地可以做朋友嘛？
女：好丫。做朋友冇所謂啦。
男：交換電話丫。最衰你阿媽嚮度。
女：我阿媽嚮度都可以交換o架。
男：你幾點訓o架？
女：十一點度啦。
男：咁早？你又話自己好open？
女：早訓同 o 唔open冇關係o架喎。
男：你有過幾多個男朋友？
女：ｘ個。(聽唔清楚)
男：你十六歲咋喎。
女：你有過幾多個女朋友？
男：唔記得喇。
女：呢ｄ咁重要o既野點會唔記得？
男：而家鬥多咩。
女：咁有幾多個？
男：多你少少啦。
女：點解你咁怕醜，做你呢行都會怕醜o架咩？
男：會o架。你ｄ香水味真係好濃。
女：咁你行遠ｄ囉。
男：真係香到暈晒大浪。（我真係忍唔住爆笑了！）
因為我已經不是「青春無敵」的年紀了，記性比較差，還有很多更爆笑的對話我都給它忘記了。實在十分浪費。老實說這男女二人都屬於頗為其貌不揚的一類，女的「青春無敵」我沒話說，至於那男的嘛，難道甚麼男子只要當了髮型師就突然會變得型過人嗎？（青仔！你真的要考慮轉行了吧！）
到最後那男的只草草替我修剪一下髮陰就了事，果然長得不漂亮又沒有青春是比較吃虧嗎 orz 結賬時他遞給我名片時我真的非常不想接，但後來覺得要blacklist他也要知道他的名字才行，於是就默默地接過來了。
非常重要的插曲一段
洗頭子：乜ｄ頭髮咁ｘ長o既，頭先睇都冇咁長o架。
ｗ：（不知道他在跟自己說話，沒留意）
洗頭子：你點會染髮？你唔使返學咩？ ＜－－－重點！
ｗ：（意識到他可能在跟自己說話，但不能置信，所以瞪大了眼）
洗頭子：哈哈！佢好驚我！
ｗ：唔係，你同我講野？（老實說我是經常地聽不明白年輕人的話）
洗頭子：我唔係同隔籬果個講野。
ｗ：我唔使返學好耐。
洗頭子：我以為你仲要返學。 ＜－－－重點！
ｗ：好多謝你！（滿懷感激） 评论 (18)
引用通告此日志的引用通告 URL 是： http://wenwah.spaces.live.com/blog/cns!A9499A5DE707D5F1!1495.trak 引用此项的网络日志
|
|
|
